Салым хәбәрнамәсен алырга вакыт җитте
2023 елның 11 сентябреннән милек салымнарын түләү өчен хәбәрнамәләр таратыла башлады. Салым түләүченең шәхси кабинеты кулланучыларына салым хәбәрләре электрон рәвештә җиткерелә. Шуңа күрә әлеге сервис кулланучыларына шәхси кабинетларын тикшерергә кирәк. Әлеге сервиска тоташмаган салым түләүчеләргә якын арада салым хәбәрнамәләре почта хезмәте тарафыннан җиткереләчәк. Җибәрү этаплап барачак һәм октябрьдә тәмамланачак, шуңа күрә һәркемнең 1 декабрьгә кадәр салымнар белән танышу һәм түләү өчен җитәрлек вакыты булачак. Кәгазьдә салым хәбәрләрен алу белән бәйле уңайсызлыкларны булдырмас өчен, салым органнары электрон аралашуга күчүне һәм салым эшләрен өйдән чыкмыйча, "Налоги ФЛ" мобиль кушымтасыннан яки салым түләүченең шәхси кабинетыннан компьютер яки телефон ярдәмендә файдаланып идарә итүне тәкъдим итә. Исегезгә төшерәбез, шәхси кабинетта милек хокукларында булган күчемсез милек объектлары һәм теркәлгән транспорт чаралары турында актуаль мәгълүмат алырга, электрон рәвештә салым хәбәрнамәсен алырга, исәпләүләр белән танышырга, салымнар түләргә, 3-НДФЛ формасы буенча салым декларациясен тутырырга мөмкин.