Ютазы районы укучыларына тантаналы шартларда паспортлар тапшырылды
"Без - Россия гражданнары!" Бөтенроссия акциясе кысаларында район мәдәният йортының никахлар теркәү залында 14 яше тулган яшь гражданнарга паспортлар тапшыру тантанасы узды.
Чара укучылар тарафыннан Россия Федерациясе һәм Татарстан Республикасы гимннарын тыңлаудан башланды, бу аерым патриотик караш билгеләде.
Район башлыгы урынбасары Закуан Ильясов котлау сүзе белән чыгыш ясады, аннан соң Россия Эчке эшләр министрлыгының Ютазы районындагы миграция пункты начальнигы Ләйсән Гарифуллина белән берлектә укучыларга паспортлар һәм истәлекле бүләкләр тапшырылды. Моннан тыш, һәр яшь гражданга «Беренчеләр хәрәкәте» иҗтимагый яшьләр оешмасының значогы бүләк ителде.
Чарада шулай ук «Беренчеләр хәрәкәте» җирле бүлекчәсе җитәкчесе Светлана Шарпан һәм район ГХАТ бүлеге начальнигы Гүзәлия Фәхертдинова катнашты. Бу көнне барлыгы ундүрт паспорт тапшырылды.
Тантана ахырында район мәдәният йорты солисты Илдар Әхтәмов җыелганнарга матур җыр бүләк итте.