Халыкара коррупциягә каршы көрәш көненә багышланган чаралар кысаларында, Урыссу башлангыч мәктәбенең 4 нче сыйныфында «Балачактан коррупциясез» дигән темага сыйныф сәгате узды

2023 елның 14 ноябре, сишәмбе

Анда Нигъмәтуллин Руслан Фәрәгать улы - Ютазы муниципаль районы башлыгының коррупциягә каршы көрәш мәсьәләләре буенча ярдәмчесе чакырылган иде. Әлеге чараның максаты «коррупция» төшенчәсен һәм аның нәтиҗәләрен ачу булды.

Сыйныф сәгате уен формасында узды; укучылар төрле ситуацияләрне тикшерделәр, мәкальләр җыйдылар, ришвәтчелек сәбәпләрен һәм коррупцияне кисәтү буенча гамәлләрне ачыкладылар.

Чара ахырында балалар коррупциягә каршы көрәшергә һәм нәкъ менә үзеңнән башларга кирәк дигән нәтиҗәгә килделәр.