Урыссу гимназиячеләре үз хокуклары һәм бурычлары белән таныш
Бөтенроссия балаларга хокукый ярдәм көне кысаларында Урыссу гимназиясенең өлкән сыйныфларында Ютазы муниципаль районы буенча Эчке эшләр бүлегенең өлкән җинаять тикшеренүе оператив идарәсе полиция тикшерү бүлеге өлкән тикшерүчесе Хәйдаров тарафыннан хокукый әңгәмәләр үткәрелде.
Әңгәмәләр барышында Рәсүл Ширали улы балаларга аларның хокукларын һәм бурычларын, мәктәптә һәм урамда үз-үзләрен тоту кагыйдәләрен аңлатты, шулай ук балаларга хокук бозу төрләре һәм аларны бозган өчен нинди җәза каралганлыгы турында сөйләде.
Балигъ булмаганнар эшләре буенча инспектор яшүсмерләр тарафыннан ешрак кылынган хокук бозуларны яктыртуга җентекләп тукталды һәм хезмәт практикасыннан мисаллар китерде. Ул шулай ук балигъ булмаганнарның административ һәм җинаять җаваплылыгына тартылырга мөмкин булган яшьләре турында да билгеләп үтте. Шулай ук балаларга 14 яшькә кадәрге кеше тарафыннан кылынган теләсә нинди законсыз гамәл өчен аның әти-әнисе яки законлы вәкилләре җаваплы һәм уйламыйча адым ясаганчы, нәтиҗәләр турында уйланырга кирәклеген аңлатты.
Очрашу ахырында Рәсүл Ширали улы балаларга авыр тормыш хәлендә ярдәм сорап кая мөрәҗәгать итәргә кирәклеге турында хәбәр итте һәм урамда һәм җәмәгать урыннарында шәхси куркынычсызлык чараларын үтәү турында искәртте.