2023 елның 24 ноябрендә «11 нче номерлы татар гимназиясе " МББУ базасында татар теле һәм әдәбияты укытучыларының төбәкара түгәрәк өстәле узды
Аның темасы - “ФДББС гамәлгә ашыру шартларында укучыларның татар теле һәм әдәбияты дәресләрендә коммуникатив сәләтләрен үстерү өчен заманча педагогик технологияләр куллану" дип аталды.
Түгәрәк өстәлне Татарстан Республикасы Ютазы муниципаль районы Башкарма комитетының мәгариф бүлеге белән берлектә, Башкортстан Республикасы Октябрьский шәһәре шәһәр округы хакимиятенең мәгариф бүлеге үткәрде.
Түгәрәк өстәлдә катнашучылар өчен мәктәп тарих-туган якны өйрәнү музеена экскурсия оештырылды, «11 номерлы татар гимназиясе » МББУ укучылары тарафыннан булачак «Әниләр көне» бәйрәменә багышланган концерт номерлары әзерләнгән иде.
«11 номерлы татар гимназиясе » МББУ директоры Нәфыйков Рөстәм Камил улы, мәгариф бүлеге методисты Латыйпова Гүзәл Венер кызы сәламләү сүзе белән чыгыш ясады. Алар түгәрәк өстәлнең мөһимлеген билгеләп үттеләр һәм нәтиҗәле эш теләделәр.
«Татарстан Республикасы Ютазы муниципаль районы Башкарма комитетының мәгариф бүлеге " МКУның милли мәгариф буенча методисты Хәбибуллина Светлана Рәис кызы «Укучыларга милли традицияләр аша милли тәрбия бирү» темасын чыгыш ясады.
Вәлиуллина Лилия Галимҗан кызы, «Ютазы урта гомуми белем бирү мәктәбе» МББУ татар теле һәм әдәбияты укытучысы, «Гадел Кутуйның «Тапшырылмаган хатлар» әсәре һәм Ютазы районы дип аталган гамәли эш тәкъдим итте.
Идрисова Гөлназ Фәйруз кызы, Октябрьский шәһәренең 13 нче урта гомуми белем бирү мәктәбе укытучысы «Укучыларның татар теле һәм әдәбияты дәресләрендә коммуникатив сәләтләрен үстерү» темасына эш тәҗрибәсе белән уртаклашты.
Хөсәенова Лилия Тәкъсин кызы, Ютазы муниципаль районының 2 нче Урыссу урта гомуми белем бирү мәктәбенең татар теле һәм әдәбияты укытучысы «Һәр җәүһәрдә – халкым тарихы» дәрестән тыш эшчәнлек буенча проект эшен тәкъдим итте.
Түгәрәк өстәлдә катнашучыларга үз мастер-классларында катнашу мөмкинлеген тәкъдим ителде:
«Татар теле һәм әдәбияты дәресләрендә электрон белем бирү ресурсларын куллану " АҖ (Сәхабетдинова Илгизә Шәрип кызы, Октябрьский шәһәренең «11 нче татар гимназиясе» МББУ укытучысы);
«Мавыктырып укыту» АҖ (Йосыпова Зөлфия Варис кызы, Ютазы муниципаль районының «Кече Урыссу төп гомуми белем бирү мәктәбе» МББУ укытучысы);
«Татар теле дәресләрендә мнемотехниканы куллануның нәтиҗәлелеге» АҖ ( Кадергулова Айсылу Айрат кызы, Октябрьский шәһәренең 20 нче урта гомуми белем бирү мәктәбе укытучысы).
Түгәрәк өстәл кысаларында педагоглар үзләренең осталыкларын, туган телләрне укыту методикасын белүләрен, укытуда иҗади якын килүләрен, яңа педагогик технологияләрне белүләрен һәм куллануларын күрсәттеләр.
Укытучылар һөнәри үсеш темаларының актуальлеген һәм максатка ярашлылыгын билгеләп үттеләр.
«Татарстан Республикасы Ютазы муниципаль районы Башкарма комитетының мәгариф бүлеге» МКУ, Октябрьский шәһәре шәһәр округының «11 нче номерлы татар гимназиясе» МББУ коллективы һәм администрациясенә түгәрәк өстәл үткәрүдә ярдәм иткәннәре өчен рәхмәт белдерәбез.