Ютазы авылы боксчылары Ульяновск шәһәрендә бокс буенча турнирда призлы урыннар яуладылар
Ульяновскта 12-13 яшькә кадәрге малайлар һәм кызлар арасында атказанган физик культура һәм спорт хезмәткәре Липатов Петр Трофимович призына бокс буенча традицион турнир узды.
Бокста уңыш яулау зур хезмәт, дисциплина һәм спортка тугрылык таләп итә. Тренер Добрин Владимир Николаевич (Ютазы ав.) җитәкчелегендәге спортчылар җентекләп күнегүләр ясап кына калмыйлар, ә үз эмоцияләрен контрольдә тотарга, тактик фикерләүне үстерергә һәм камиллеккә омтылырга өйрәнәләр. 2023 елның 23-25 ноябрендә Ульяновск шәһәрендә 12-13 яшькә кадәрге егетләр һәм кызлар арасында атказанган физик культура һәм спорт хезмәткәре Липатов Петр Трофимович призына бокс буенча традицион турнир узды.
Ярыш нәтиҗәләре буенча:
Сухорукова Варвара 32 кг авырлык категориясендә 1 урынны алды;
Әгъзамова Арина 52 кг авырлык категориясендә 1 нче урынны алды;
Сәләмов Тимур 48 кг авырлык категориясендә 2 нче урынны алды.
Алар искиткеч спорт сыйфатлары күрсәттеләр һәм яхшы нәтиҗәләргә ирештеләр.