Муниципаль берәмлекләрнең җәмәгатьчелек вәкилләре ТР Дәүләт Советында булдылар
Безнең районны Казанда район хатын-кызлар советы рәисе Наилә Хөснетдинова тәкъдим итте.
"Хакимият белән диалоглар" - ТР Дәүләт Советы Рәисе Фәрит Мөхәммәтшинның Татарстан муниципаль районнарының иҗтимагый һәм коммерцияле булмаган оешмалары белән очрашуы шундый исем астында узды. Иҗтимагый тормышның күп якларына кагылышлы зур сөйләшү булды. Традицион гаилә кыйммәтләрен саклау һәм ныгыту мәсьәләсе, мөгаен, иң актуаль һәм төп булып калгандыр. Сәламәт гаилә һәрвакыт сәламәт гражданлык җәмгыятенең нигезе булып кала. Һәрбер хокукый дәүләттә гаилә нигезләрен ныгытуга җитди игътибар бирелә. Шуңа күрә җирле җәмәгатьчелек вәкилләре бу постулатларны алга сөрүдә һәрьяклап ярдәм итәргә тиеш. Бу хакта Татарстан Республикасы Фәннәр Академиясенең демография һәм гаилә үзәге вәкилләре чыгышында сүз барды. Бу мәсьәләнең мөһимлегенә ТР Иҗтимагый палатасы рәисе Зилә Вәлиева да игътибар итте.
Яраткан кешең янында булу һәм ялгызлыкны сизмәү, даими сексуаль партнер булу, үз гаиләңне булдыру аша мөстәкыйльлеккә һәм чын үсүгә ирешү, якын арада бала табу теләге бу тема бүгенге көннең башка көнүзәк мәсьәләләре арасында хакимият белән диалог барышында тикшерелде.