Узып баручы ел йомгаклары буенча балигъ булмаганнар эшләре һәм аларның хокукларын яклау буенча комиссиянең киңәйтелгән утырышы
Башкарма комитетның утырышлар залында Балигъ булмаганнар эшләре һәм аларның хокукларын яклау буенча комиссиянең киңәйтелгән утырышы узды.
Балигъ булмаганнар эшләре һәм аларның хокукларын яклау комиссиясенең киңәйтелгән утырышында төрле хакимият органнары вәкилләре балигъ булмаганнарның күзәтүчесезлеге һәм караучысызлыгы проблемасын тикшерделәр. Эчке эшләр бүлеге вәкиле Рәсүл Хәйдәров районда әлеге күренешне булдырмау өчен кабул ителгән чаралар турында мәгълүмат белән уртаклашты.
Опека һәм попечительлек секторы начальнигы Любовь Киселева районның опека һәм попечительлек органнарының ата-ана тәрбиясеннән мәхрүм ителгән балаларның, бигрәк тә ятимнәрнең хокукларын һәм мәнфәгатьләрен яклау буенча законнарны үтәү өлкәсендәге эш торышы турында хисап тотты.
ТР Хезмәт, мәшгульлек һәм социаль яклау министрлыгының ЮМРда социаль яклау бүлеге начальнигы Зәрия Рәшитова социаль-куркыныч хәлдә булган балигъ булмаганнарны социаль-педагогик реабилитацияләү турында сөйләде.
Урыссудагы 3 нче номерлы мәктәпнең тәрбия эшләре буенча директор урынбасары Светлана Пройдакова һәм Димтамак мәктәбе директоры урынбасары Гөлнара Шәйгоманова балигъ булмаганнарны җинаятьләргә һәм җәмгыятькә каршы гамәлләргә җәлеп итүче факторларын ачыклау һәм булдырмау турында мәгълүмат бирделәр.
Яшьләр эшләре, спорт һәм туризм бүлеге начальнигы Регина Галләмова һәм район мәдәният бүлеге начальнигы Рөстәм Абдурахманов 2023 елда профилактика субъектларының эш нәтиҗәләре белән уртаклаштылар һәм 2024 елга бурычлар куйдылар.