Балаларның Яңа ел теләкләре үтәләчәк
"Теләкләр чыршысы" акциясендә район Советы депутатлары катнашты.
Район Советы фойесында урнаштырылган Яңа ел чыршысы гади түгел, анда авыр тормыш хәлендә калган балаларның Яңа ел мөрәҗәгатьләре булган уенчыклар бар.
Ә хәзерге заман балаларының теләкләре бик җитди — синтезатор, планшет, акыллы «Алиса» колонкасын алу... Район активы — районның алдынгы сәнәгать һәм авыл хуҗалыгы предприятиеләре җитәкчеләре йөзендә акциядә катнашучылар малайлар һәм кызларның үтенечләрен укып, бу үтенечләрне үтәргә вәгъдә иттеләр. Чара башланыр алдыннан чыгыш ясаган район башлыгы Аяз Шәфигуллин әлеге эшнең районда беренче тапкыр башлануын билгеләп үтте.
- Ул федераль һәм республика дәрәҗәсендә беренче ел гына уздырылмый, - дип билгеләп үтте Аяз Шәфигуллин. - Район Советы депутатлары да бу игелекле башлангычны дәвам итәргә тәкъдим итте. Акция алдагы елларда да дәвам итәчәк .
Район башлыгы, Кыш Бабайга мөрәҗәгатьләрнең берсен беренчеләрдән булып укып, синтезаторның бүген адресатка тапшырылачагын ассызыклады. Башлыкның инициативасын район башкарма комитеты җитәкчесе Светлана Самонина дәвам итәчәк.