Тырышып хезмәт куйдылар, матур итеп картайдылар
Гыйнварның беренче көннәрендә туксан еллык тормыш чиген ике Урыссу кешесе – Физүрә Мөстәхова һәм Миңнулла Харисов узды.
Район җитәкчелеге исеменнән җитештерү ветераннарын район башкарма комитеты җитәкчесенең социаль мәсьәләләр буенча урынбасары Сергей Рузанов котлады. Ул аларга ныклы сәламәтлек, күңел тынычлыгы теләде һәм истәлекле бүләкләр тапшырды. Юбилярлар тумышлары белән Башкортстанның Шаран районыннан, әмма аларның хезмәт юлы Урыссу бистәсе белән бәйле булган. Миңнулла Харисов Түбән Зәет шәһәрендә туып үскән. Дүрт еллык мәктәпне тәмамлаганнан соң җирле колхозда хезмәт куйган. Сугыш башлангач, әтисен фронтка алалар. Миңнулла агага иртә өлкәнәергә туры килә. Өч ел армиядә, Германиядә хезмәт итә. Демобилизацияләнгәннән соң, эшче сыйныф сафларын тулыландыра, Үзбәкстанда төзүче буларак та эшләп ала. Ләкин туган яклар сагындыра. 1959 елда авылга кайткач, ул өйләнә һәм гаиләсе белән Урыссу бистәсенә күченә. Урыссу бемит заводына эшкә урнаша, соңрак Октябрьский базасында эшли, аннан пенсиягә чыга. Миңнулла абыйның бик күп рәхмәт хатлары бар, аның портреты берничә тапкыр хөрмәт тактасына кертелгән. Хатыны белән ике бала тәрбияләп үстерә. Бүген ул балаларының тәрбиясендә, оныклары һәм оныкчыкларының уңышларына шатланып гомер итә
Физүрә Мөстәхованың туган авылы – Шаран районының Нөрәй авылы. 1955 нче елда кияүгә чыккач, яшь гаилә Свердловск өлкәсенә эшкә китә. Алга таба алар үз язмышларын Урыссу бистәсе белән бәйлиләр. Нәкъ менә монда ике улларын, Артур белән Маратны, үстерәләр һәм аларга белем бирәләр. Бемит заводында эшләгәндә, Физүрә ханым үзен бик тырыш эшче итеп күрсәтә. «Хезмәт ветераны» исеменә лаек була, мактау грамоталары белән бүләкләнә. Әмма ире бик иртә вафат була. Ә күптән түгел гаиләбезгә тагын зур сынау килде, олы улыбыз мәрхүм булды. Шулай да тормыш үзенең кояш баюы һәм таң атуы белән дәвам итә. Ә безнең героиня яшәү ямен өч оныгында һәм дүрт оныкчыгында күрә.
Тулырак: http://yutazy.ru/news/semeinye-cennosti/udarno-trudilis-krasivo-sostarilis