Балалар иҗаты үзәгендә «Блокадалы Ленинград балалары» театральләштерелгән спектакленең премьерасы булды
Бөек Ватан сугышы вакыйгалары истәлегенә багышлап «Яшь талантлар» театр студиясе «Блокадалы Ленинград балалары» дип исемләнгән театральләштерелгән постановкасын әзерләде.
Театр студиясе җитәкчесе Гөлчәчәк Вәлиева бу спектакльгә бөтен җанын салды. Музыка, костюмнар, сценарий – вак-төяккә кадәр барысы да уйланылган.
Дулкынлануларына карамастан, балалар лаеклы һәм тәэсирле чыгыш ясадылар.
Спектакль бер минутлык тынлык белән тәмамланды.
Чарада район ветераннар советы вәкилләре – Глушкова Зоя, Лидия Ковалева, Галина Еськина – катнашты.
Зоя Васильевна балаларга блокадалы Ленинградта хөкем сөргән вакыйгалар, сугышның бөтен ачысын кичергән балалар турында сөйләде. Лидия Леонтьевна һәм Галина Анатольевна үзләренең шигырьләрен укыдылар.
Кичәнең тагын бер кунагы Руслан һәм аның әнисе Ленинград турындагы фактлар белән уртаклаштылар.
Чара ахырында балаларга һәм өлкәннәргә 125 граммлык блокадалы икмәк кисәкләре таратылды.