Ютазы районында «Тоннель» рейды узды
Ютазы полиция бүлеге хезмәткәрләре тарафыннан «Тоннель» рейды үткәрелде.
26 гыйнварда 06-00 сәгатьтән 07-30 сәгатькә кадәр Урыссу-Октябрьский-Әбсәләм-Уба автомобиль юлында Ютазы ЮХИДИ хезмәткәрләре полиция бүлеге хезмәтләре белән берлектә «Тоннель» рейды үткәрделәр. Рейдның максатлары юл хәрәкәте кагыйдәләрен тупас бозуларны ачыклау һәм туктату, аварияләр булган урыннарда юл хәрәкәтен контрольдә тоту.
2023 елның 12 аенда Урыссу-Октябрьский-Әбсәләм-Уба автомобиль юлында 2 юл-транспорт һәлакәте теркәлгән, аларда 3 кеше җәрәхәтләнгән. Барлык юл-транспорт һәлакәтләре тигез булмаган юлларның көйләнмәгән киселешендә йөрү чиратлыгын үтәмәгән шоферлар гаебе белән килеп чыккан.
Полиция хезмәткәрләре тарафыннан 55 автомашина тикшерелде, юл хәрәкәте кагыйдәләрен бозуның ике очрагы ачыкланды.
- Хөрмәтле юл хәрәкәтендә катнашучылар! Юл хәрәкәте кагыйдәләрен төгәл үтәгез, юлның торышын һәм һава торышын исәпкә алыгыз. Исегездә тотыгыз, кышкы чорда автомобильнең тормоз юлы арта, хәрәкәт иткәндә куркынычсыз тизлекне сайлагыз һәм куркыныч маневрлар ясамагыз, — дип билгеләп үтте Ютазы ЮХИДИ идарәсе башлыгы Марс Гәрәев.
Әгәр дә сез шоферның исерек хәлдә яки идарә итү хокукыннан мәхрүм ителгән транспорт чарасы белән идарә итүен күрсәгез, әлеге мәгълүматны Ютазы эчке эшләр министрлыгының дежур бүлегенә 2-66-02 яки 02 телефоны аша җиткерә аласыз.