Ютазы районы яшь армиячеләре кар белән көрәшкә чыкты

2024 елның 1 феврале, пәнҗешәмбе

Бүген Әбсәләм авылының һәм Урыссуның 2нче санлы мәктәбенең яшь армиячеләре үз җирлекләрендә кар белән көрәшкә чыктылар.

Әбсәләм авылының яшь армиячеләре укытучы-ветеран Оркыя Әхмәтовага йорт яны территориясен кардан чистартырга ярдәм иттеләр. Кирәкле инвентарь белән коралланып, балалар тиз генә территорияне тәртипкә китерделәр.

Шул ук вакытта, 2 нче санлы мәктәпнең 7Б сыйныф укучылары һәйкәл янындагы территорияне җыештыру буенча традицион «Обелиск» акциясен үткәрделәр.

Арыган булсалар да, алар эшне яхшы кәеф белән тәмамладылар. Һәлак булган геройлар һәйкәле янындагы тәртип, тирә-юньдәгеләрне шатландырып тора.