Урыссу бистәсендә «Тоннель» профилактик операциясе вакытында 62 транспорт чарасы тикшерелде
Ватанны саклаучылар көнендә, 2024 елның 23 февралендә, Ютазы полиция бүлеге хезмәткәрләре тарафыннан Урыссу бистәсенең Үзәк тыкрыгында 8:30 сәгатьтән 10:00 сәгатькә кадәр «Тоннель» рейды үткәрелде.
Рейдның максатлары һәм бурычлары –юл-транспорт һәлакәтләренең тупас бозылуларын ачыклау һәм туктату, шулай ук җинаятьләр һәм хокук бозулар өчен эзләнүдә булган кешеләрне ачыклау.
2023 елның 23 апрелендә А.Шамкин урамы һәм Үзәк тыкрыгы киселешендә юл-транспорт һәлакәте була, анда скутерның балигъ булмаган пассажиры җәрәхәтләнә, шуңа күрә ЮХИДИ инспекторларының аерым игътибары юл хәрәкәтендә катнашучыларның балаларны йөртү кагыйдәләрен үтәүгә юнәлтелә.
Рейд барышында 62 транспорт чарасы тикшерелде, юл хәрәкәте кагыйдәләрен бозуның 3 очрагы ачыкланды. 1 шофер 7 яшькә кадәрге баланы тоткарлау җайланмасыннан башка йөрткән, 1 шофер куркынычсызлык каешларын куллану кагыйдәләрен санга сукмаган, шулай ук РФ Юл хәрәкәте кагыйдәләренең 5.1 пунктын бозып, куркынычсызлык каешы белән бәйләнмәгән транспорт чарасы пассажиры ачыкланды.
Әгәр дә сез машина йөртүченең исерек хәлдә, яисә идарә итү хокукыннан мәхрүм ителгән, яисә машина белән идарә итү хокукына ия булмаганда, транспорт чарасын йөртүен күрсәгез, бу хакта Ютазы эчке эшләр министрлыгының дежур частена 2-66-02 яки 02 телефоны аша хәбәр итә аласыз.