Урыссу балалар иҗаты үзәгендә актерлык осталыгы буенча мастер-класс узды

2024 елның 1 марты, җомга

«Мәктәп театры» педагоглары өчен мастер-классны ТР атказанган мәдәният хезмәткәре Гөлчәчәк Вәлиева үткәрде.

Педагоглар артикуляцион, сулыш алу, шулай ук резонаторлар өчен күнегүләр ясадылар. Кызыклы тренинглар, этюдлар, пантомималар сәхнәдә уенның эмоциональлеген үстерүгә юнәлдерелгән. Мастер-класс җитәкчесе Гөлчәчәк Вәлиева бер эмоциядән икенчесенә күчү ысулларын күрсәтте.

«Мәктәп театры» педагоглары актерлык осталыгы нигезләрен үзләштерделәр, тамашачыга барлык кичерешләрне сүзләр ярдәмендә ничек җиткерергә икәнен белделәр, сөйләм күнегүләрен шомарттылар. Мастер-класста катнашучыларның барысы да сертификатлар алды.