Урыссу яшь армиячеләре балалар бакчасында булдылар

2024 елның 11 марты, дүшәмбе

Волонтерлар отряды әгъзалары, яшь армиячеләр һәм 2 нче санлы мәктәпнең Беренчеләр хәрәкәте активистлары 5 нче санлы балалар бакчасының яшь волонтерлары белән очраштылар.

Балалар бакчасы тәрбияләнүчеләре кунакларга «Колобок» әкиятен күрсәттеләр, аның эчтәлегенә волонтерлык һәм һөнәри юнәлеш бирү эшчәнлеге элементлары кертелде.

Укучылар мәктәптә эшләп килүче волонтерлык хәрәкәте, «гвардия капитаны Илдар Сәйфуллин исемендәге» яшь армиячеләр отряды, «Россия бөркетләре» һәм «Беренчеләр хәрәкәте» хәрәкәтләре турында сөйләделәр, аларның эшчәнлеге белән таныштырдылар.

Соңыннан укучылар балаларга киенергә ярдәм иттеләр һәм алар белән бергә урамга чыктылар, кар атышып уйнадылар һәм кошлар өчен җимлек элделәр.

Балалар очрашудан бик канәгать калдылар.