Ютазы чаңгычылары - иң яхшылар рәтендә
Чаңгы буенча тренер Таһир Гыйздетдиновның тәрбияләнүчеләре чаңгы ярышларында катнаштылар.
Чаңгы узышлары буенча традицион республика ярышлары 8 мартта Туймазы шәһәрендә узды. Ютазы чаңгычылары командасы әлеге ярышларда уңышлы старт алды.
2010-2011 елларда ирекле стиль белән 10 км дистанциядә беренче урынны Искәндәр Латыйпов, икенче урынны Илтимер Латыйпов алды. Ир-атлар арасында 20 км дистанциядә беренче урынны Илмир Латыйпов яулады.
Җәлил бистәсендә герой-шагыйрь Муса Җәлил истәлегенә багышланган республика ярышлары 12-13 мартта узды. Татарстан Республикасының яшь чаңгычылары классик стильдәге спринтер ярышларында көч сынаштылар.
Ютазылылар чираттагы тапкыр үзләренең югары дәрәҗәләрен расладылар. Нәтиҗәдә, ярымфинал ярышларыннан финалга дүрт Ютазы узышчысы чыга. 2010-2012 елларда яшүсмерләр арасында финалда Искәндәр Латыйпов көмеш медаль, Илтимер Латыйпов дүртенче урын, Роман Лукашин бишенче урын һәм Әмир Мөхәммәтшин алтынчы урын яулады.
Безнең барлык спортчыларыбызның да чаңгы ярышлары буенча беренче өлкәннәр спорт разряды бар. Афәрин!