Сайлаулар медицина хезмәткәрләренең сизгер күзәтүе астында уза

2024 елның 21 марты, пәнҗешәмбе

Өч көн дәвам иткән Россия Федерациясе Президентын сайлауларының Ютазы районы буенча имин шартларда узуында Урыссу үзәк район хастаханәсе хезмәткәрләренең дә өлеше саллы.

Участок сайлау комиссияләрендә кизү торган шәфкать туташлары халыкның сәламәтлегенә карата бик игътибарлы булды. Медицина хезмәткәрләренә булган мөрәҗәгатьләрнең күпчелеге, асылда, кан басымын үлчәтү үтенече белән бәйле булды.