Маргарита Глухова Мәскәүне яулап алды
«Сударушка» рус җырының үрнәк ансамбле солисты Маргарита Глухова Халыкара музыкаль конкурсның икенче дәрәҗә лауреаты булды.
Халыкара балалар халык башкаручылары музыкаль конкурсының өченче сезоны 6-12 март көннәрендә узды һәм «Подмосковье» мәдәният йортында гала-концерт һәм җиңүчеләрне бүләкләү белән тәмамланды.
- Маргаританы чираттагы җиңүе белән котлыйбыз! Яңа формат, кызыклы проект, тәэсирләр һәм уңай эмоцияләр диңгезе! Бер сәхнәдә шулкадәр талантлы яшь музыкантлар. Искиткеч конкурс, киләсе елга кабат катнашырга уйлыйбыз, – дип хисләре белән уртаклашты «Сударушка» рус җыры үрнәк ансамбле җитәкчесе.
Быел конкурста Россия Федерациясенең 255 шәһәреннән, шулай ук Белоруссия, Кытай, Казахстан, Кыргызстан һәм Үзбәкстаннан 6 535 бала һәм яшүсмер катнашты. Бу 425 музыкаль коллектив һәм 787 соло башкаручы. 363 коллектив конкурс лауреатлары һәм дипломантлары булды, 232 бала соло номинацияләрдә икенче финал турына чыкты.
Конкурста катнашучыларның барысы да истәлекле бүләкләр алды.