Ватаныбыз патриотларын тәрбияләгән әниләргә рәхмәт сүзләре

2024 елның 21 марты, пәнҗешәмбе

Ютазы районы башлыгы урынбасары Закуан Ильясов махсус хәрби операциядә катнашучыларның әти-әниләренә рәхмәт хатлары тапшырды.

Район башлыгы исеменнән аның урынбасары Закуан Ильясов  Ватаныбызның чын патриотларын тәрбияләгәннәре өчен Роза Амурская һәм Вера Недопекинага рәхмәт сүзләрен җиткерде.

Ул махсус хәрби операциядә катнашучы ир-егетләрнең әниләренә рәхмәт хатлары һәм чәчәк бәйләмнәре тапшырды.

Хатын-кызларга иң изге теләкләрен җиткереп, кирәк булганда район җитәкчелегенә ярдәм сорап мөрәҗәгать итә алуларын билгеләп үтте.