Кәрәкәшле укучылары экологик уенда катнаштылар

2024 елның 21 марты, пәнҗешәмбе

20 мартта Кәрәкәшле авыл китапханәсендә урта мәктәп яшендәге кулланучылар өчен «ЭкоИгроМания» танып белү уены узды.

Чара барышында балалар экологиянең нәрсә икәнен, табигатьне һәм аның ресурсларын ничек сакларга кирәклеген, кешенең әйләнә-тирә мохиткә нинди йогынты ясавы турында белделәр. Китапханәче табигатьнең саклана торган объектлары, Кызыл китапның әһәмияте, табигатьне саклау зарурлыгы турында сөйләде.

Укучылар «Табигатькә мәхәббәт китап аша» күргәзмәсе белән таныштылар, анда экология, хайваннар һәм үсемлекләр турында китаплар һәм журналлар тәкъдим ителде. Балалар экологик уенда катнаштылар, анда төрле биремнәр тәкъдим ителде. Уен барышында балалар табигать, безне чолгап алган дөнья турында белемнәрен күрсәттеләр.