Ютазы районында чираттагы «Тоннель» рейды уздырылды
2024 елның 27 мартында Ютазы полиция бүлеге хезмәткәрләре тарафыннан Урыссу үзәк тыкрыгында 17:30 сәгатьтән 19:00 сәгатькә кадәр «Тоннель» рейды уздырылды.
Мондый рейдларның максаты – юл-транспорт һәлакәтенең тупас бозуларын ачыклау һәм туктату, шулай ук җинаятьләр һәм хокук бозулар өчен эзләнүдә булган кешеләрне ачыклау.
Татарстан Республикасында «Язгы каникуллар» профилактик чарасын уздыру уңаеннан ЮХИДИ инспекторларының аерым игътибары юл хәрәкәтендә катнашучыларның балаларны йөртү кагыйдәләрен үтәүгә юнәлтелде.
Рейд барышында 79 транспорт чарасы тикшерелде, юл хәрәкәте кагыйдәләрен бозуның 3 очрагы ачыкланды. 1 шофер 7 яшькә кадәрге баланы балаларны тоткарлау җайланмасысыз йөрткән, 2 шофер куркынычсызлык каешларын куллану кагыйдәләрен санга сукмаган.
Әгәр дә Сез машина йөртүченең исерек хәлдә, яисә идарә итү хокукыннан мәхрүм ителгән, яисә транспорт чарасы белән идарә итү хокукына ия булмаганда, транспорт чарасын йөртүен күрсәгез, бу хакта Ютазы эчке эшләр министрлыгының дежур частена 2-66-02 яки 02 телефоны аша хәбәр итә аласыз.