Ютазы районында Азнакай районы гаиләсенә гаилә уты белән капсула тапшырылды
ЗАГС бүлегенең тантаналар залында Азнакай районының күп балалы гаиләсенә «Россия йөрәге» гаилә уты капсуласын тапшыру тантанасы булды.
Урыссу бистәсендә яшәүче биш кыз тәрбияләп үстерүче Евгений һәм Ирина Абрамовлар гаиләсе тантаналы шартларда «Гаилә учагы утын» азнакайлыларга — Ирек һәм Резеда Хәмидуллиннарга тапшырды.
Абрамовлар гаиләсе белән ютазылылар ишетеп кенә таныш түгел. Алар күптәннән үзләрен профессиональ эшчәнлектә генә түгел, ә районның иҗтимагый тормышының төрле юнәлешләрендә дә таныттылар, шул ук вакытта үрнәк ата-аналар булып кала бирәләр. Азнакайдан Хәмидуллиннар да ихтирамга лаек гаилә. Гаилә башлыгы Ирек Хәмидуллин Жуков орденлы Казан югары танк команда училищесын тәмамлый, аны тәмамлагач хәрби хезмәт үтә. 2022 елның сентябрендә өлешчә мобилизация буенча хезмәткә чакырыла. Ирек Хәмидуллин өлкән лейтенант дәрәҗәсенә лаек була һәм автотранспорт ротасы начальнигы итеп билгеләнә. Гаилә учагын аның тормыш иптәше Резеда Марс кызы саклый.
Чара барышында танылуга лаек булган гаилә парларын хөрмәтләнде. Мәсәлән, Илгиз Мидхәт улы һәм Илүзә Мөксин кызы Гарифҗановлар гаиләсе. район халкының лаеклы танылуын яулаган хөрмәтле гаилә парларының берсе. Алар инде ярты гасыр кулга-кул тотынышып гомер итәләр. Исегезгә төшерәбез, Гарифҗановларның хезмәт юлы медицина белән бәйле. Илгиз Мидхәт улы инде 50 елдан артык Урыссу үзәк район хастаханәсендә табиб-гинеколог булып эшли. Илүзә Мөксин кызы бала тудыру йортында акушерка булып хезмәт куя. Алар күп санлы сабыйларга дөньяга килергә булышалар. Уллары һәм кызлары лаеклы кешеләр булып үстеләр. Аларның уллары Искәндәр Гарифҗанов әти-әнисе эзләреннән бара, ул 25 елдан артык табиб-гинеколог буларак эшли. Чарага шулай ук районның күп балалы гаиләләре чакырылды - Иске Урыссу авылыннан Зилә һәм Марат Фаздуллиннар гаиләсе, Урыссу бистәсеннән Ләйсән һәм Ринат Хәниповлар гаиләсе. Чарада катнашкан район башкарма комитеты җитәкчесе Светлана Самонина аларга лаеклы бүләкләр тапшырды — Гарифҗановларга район Советының Мактау грамотасын, күп балалы гаиләләргә – район башлыгының рәхмәт хатларын, чәчәкләр һәм истәлекле бүләкләр.
Тантанада район вәкилләре — Ютазы районы башкарма комитеты җитәкчесе Светлана Самонина һәм Азнакай район Советы Аппараты җитәкчесе Айдар Хәлиуллин катнашты. Алар «Гаилә учагы уты»ның әһәмиятен ассызыкладылар.
«Россия йөрәге» гаилә утын тапшыру акциясе Россиядә Гаилә елы кысаларында узды. Исегезгә төшерәбез, «Россия йөрәге» гаилә учагын кабызу тантанасы 23 гыйнварда Мәскәүдә «Россия» Халыкара күргәзмә-форумы мәйданчыгында узды. Ут борынгы Муром шәһәрендә Изге Петр һәм Феврония россия гаиләләренең яклаучылары мәетләре янында кабызылды. Ачылу тантанасында ул 12 төбәк вәкилләренә тапшырылды, алар арасында Татарстан да бар иде.