Урыссу укучылары янгын сүндерү бүлегендә булдылар
Бердәм куркынычсызлык көне кысаларында Урыссуның 1нче санлы мәктәбенең икенче сыйныф укучылары 42нче янгын сүндерү бүлегендә булдылар.
Өлкән янгын сүндерүче Винер Вәлиев һәм Диспетчер Наталья Бакирова балаларга өйдә һәм мәктәптә янгын куркынычсызлыгы кагыйдәләрен үтәү, янгын вакытында үз-үзеңне тоту кагыйдәләре турында сөйләделәр.
Очрашу барышында көнкүреш куркынычсызлыгы темалары каралды: үз-үзеңне тоту кагыйдәләре, нинди гамәлләр янгынны китереп чыгарырга мөмкин. Шулай ук җәмәгать урыннарында үз-үзеңне тоту темалары да каралды: куркыныч сигналга ничек җавап бирергә, төтенле яки куркыныч бүлмәләрдә ничек дөрес хәрәкәт итәргә.
Балаларның аерым игътибарын янгын очрагында мөмкин кадәр тизрәк урамга чыгу мөһим дип билгеләп үттеләр.
Винер Вәлиев балаларга янгын сүндерүнең барлык җайланмаларын күрсәтте. Балалар барлык приборларны, янгын сүндерү машиналарын якыннан күрделәр, янгын сүндерүченең киемнәрен киеп карадылар.
Барлык балалар да экскурсиягә бик шатландылар.