Урыссуның 3нче санлы мәктәбе командасы «Дус сыйныф серләре» республика конкурсында призер булды
Сарманда «Дус сыйныф серләре» республика ата-аналар комитетлары конкурсының ярымфиналы узды.
Ярымфиналның зона этабында республиканың тугыз районыннан командалар чыгыш ясады. Ютазы районын 3нче санлы мәктәп командасы лаеклы тәкъдим итте.
Ата-аналардан, балалардан, сыйныф җитәкчесеннән һәм тәрбия буенча киңәшчедән торган район командасы жюри судына визит карточкасы, «Бөек сугыш – Бөек Җиңү» темасына иҗади номер һәм белем бирү проекты тәкъдим итте.
- Активлыгыбыз, үзара дуслыгыбыз, иҗадилыгыбыз ярдәмендә без барысын да булдырдык. Тәрбияләнүчеләрем һәм аларның әти-әниләре белән горурланам. Сез, көчегезне кызганмыйча репетицияләргә йөрдегез, үз рольләрегезгә кердегез, әлеге эшкә җаныгызны һәм йөрәгегезне салдыгыз. Без бердәм механизмга әверелдек! Бу безнең уртак нәтиҗәбез, – дип билгеләп үтте 5 Б сыйныфы җитәкчесе Рөстәм Нигъмәтуллин.
Афәрин!