Ютазы авылының православие вәкилләре җыелышта катнашты
Ютазы авылының мәдәният йортында «Севастий шәһитләренең православие мәхәлләсе» җирле дини оешмасының җыелышы узды.
Утырышта Бөгелмә төбәгенең благочинный иерее Георгий Кутырев рәислегендә христиан динен тотучы Ютазы халкы, Урыссу Изге Николай храмы настоятеле протоиерей Роман Галиуллин һәм район башкарма комитеты җитәкчесе Светлана Самонина катнашты.
Җыелыш «Царю небесный» догасы белән башланды.
Утырышның көн тәртибендә «Савастиядә Христос дине өчен газаплы үлем кабул иткән кырык Севастия газапланучылары хөрмәтенә чиркәүнең православие мәхәлләсе» җирле дини оешмасын булдыру, җирле дини оешма уставын кабул итү, мәхәллә советы составын, настоятель ярдәмчесен (чиркәү старостасы), казначы һәм ревизия комиссиясе вәкилләрен сайлау мәсьәләләре каралды.
Утырыш ахырында мәхәллә советы составы, настоятель ярдәмчесе (чиркәү старостасы), казначы һәм ревизия комиссиясе вәкилләре сайланды, шулай ук Ютазы авылында яңа төзелгән дини оешманы дәүләт теркәве өчен җаваплы кеше билгеләнде.
- Ходай Тәгалә барыбызны да сакласын. Гыйбадәтханәгә йөрү тормышыбызда дөрес юл сайларга ярдәм итә, – дип ассызыклады үз чыгышында изге Николай гыйбадәтханәсе настоятеле протоиерей Роман Галиуллин.