Террорчылыкка каршы комиссиянең киңәйтелгән утырышында бүгенге көннең актуаль мәсьәләләре тикшерелде
Утырыш эше район башлыгы Аяз Шәфигуллин рәислегендә узды.
Утырышта күтәрелгән мәсьәләләр май бәйрәмнәрен әзерләү һәм үткәрү кысаларында террорчылык актларын кисәтү һәм җәмәгать иминлеген көчәйтү чаралары белән бәйле иде.
Сүз сәламәтлек саклау, спорт, мәгариф объектларының террорчылыкка каршы торышы турында барды. Доклад белән чыгыш ясаган социаль объектларны тиешле дәрәҗәдә яклау өчен җаваплы җитәкчеләр тема буенча җентекле мәгълүмат бирделәр. Район башлыгы беренче карашка гына икенчел булып күренергә мөмкин булган конкрет моментларга җентекләп тукталды. Ул утырышта катнашкан Росгвардия, хокук саклау органнары, мәгариф, ГО һәм гадәттән тыш хәлләр бүлеге җитәкчеләренең, җирлек башлыкларының игътибарын объектларның сакланышын көчәйтү мәсьәләсенә генә түгел, ә мәгариф учреждениеләре тәрбияләнүчеләре арасында аңлату эшенә дә юнәлтте. Әлеге юнәлештәге эш, утырыш барышында яңгырады, тиешле хезмәт вәкилләрен җәлеп итеп, планлы рәвештә алып барыла. Ачык дәрескә килгән хезмәткәрләр балаларга террорчылык яки экстремистик характердагы потенциаль куркынычлар турында хәбәр итәләр.
— Бүгенге чынбарлыкта бу сораулар номиналь рәвештә генә үтәлергә тиеш түгел, – дип ассызыклады район башлыгы. Полициянең участок вәкаләтлеләре һәм җирлек башлыклары якын чит илләрдән килгән вәкилләргә игътибарлы булырга тиеш. Аларның эшенә безнең төбәк файдасына хөрмәтебез зур булса да, гади эшчеләр сафларында шикле шәхесләр дә булырга мөмкин. Бәхеткә, бездә андыйлар юк. Шулай да тиешле хезмәтләрнең мәгълүмати кораллануы булырга тиеш.
Акбаш авыл җирлеге мисалында утырышта катнашучылар читтән килгән башка мәдәният вәкилләренең интеграциясе, төбәк халкының төп диннәренең – православие һәм исламның тарафдарлары булган бәйрәмнәренә һәм гореф-гадәтләренә карата толерант һәм хөрмәт белән караулары белән таныштылар. Бу темага Акбаш җирлеге башлыгы Илһамия Сәхибуллина кыскача доклад ясады.
Утырыш ахырында террорчылыкка каршы комиссия карарлары яңгырады: барлык хезмәтләр конкрет срокларда конкрет бурычларны үтәү буенча тәкъдимнәр алды.