«Атлант» ПМК белгечләре «БУЛЛИНГКА СТОП!» тренингын үткәрделәр

2024 елның 26 апреле, җомга

«Атлант» ПМК һәм «Форпост» үзәге белгечләре Урыссуның 3 нче урта гомуми белем бирү мәктәбенең 7 Б сыйныф укучылары белән профилактик әңгәмә-тренинг үткәрделәр.

Чара яшүсмерләр арасында буллингны профилактикалау эшенең нәтиҗәлелеген арттыру кысаларында узды.

Чараның максаты – буллингка каршы тору һәм сыйныфта дуслык мөнәсәбәтләренә уңай караш формалаштыру.

Балалар белән сөйләшкәндә мөһим сораулар күтәрелде:

✔белгечләр балаларга буллингның нәрсә икәнен искә төшерделәр;

✔ничек буллинг корбаны булмаска;

✔ авыр хәлдә кемгә мөрәҗәгать итәргә (ата-аналарга, психологка, ышаныч телефоны аша)

✔кимсетү һәм физик көч куллану өчен җаваплылык турында;

Чара ахырында балалар дус һәм бердәм сыйныф кагыйдәләрен яздылар.