Каразирек укучылары агачлар утырттылар

2024 елның 26 апреле, җомга

Россиядә «Хәтер бакчасы» экологик-патриотик акциясе старт алды.

Бу акция генә түгел, бу ата-бабаларыбызның батырлыгын, ил тарихын һәм һәр гаилә тарихын саклап калу өчен барлыкка килгән яңа традиция.

Каразирек урта гомуми белем бирү мәктәбенең мәктәп урманчылыгы активистлары акциядә актив катнаштылар һәм 23 апрельдә мәктәп яны участогында чия һәм карлыган куаклары утырттылар.

Бу үсентеләр белән без бүгенге һәм киләчәк буыннарны мәңге яшәячәк каһарман бабаларыбыз турындагы хәтер белән тоташтырабыз.