Урыссуда «Тоннель» рейды уздырылган
2024 елның 23 апрелендә Ютазы полиция бүлеге хезмәткәрләре тарафыннан Урыссу урамындагы 1б йорты каршында 18:00 сәгатьтән 19:30 сәгатькә кадәр «Тоннель» рейды үтте.
Рейдның максатлары һәм бурычлары — юл-транспорт һәлакәтләре нәтиҗәләренең авырлыгына йогынты ясый торган юл хәрәкәте кагыйдәләрен тупас бозуларны ачыклау һәм туктату, шулай ук җинаятьләр һәм хокук бозулар кылган өчен эзләнүдә булган затларны ачыклау, юл хәрәкәтен контрольдә тоту.
2024 елның 1 кварталында Ютазы районында 2 юл-транспорт һәлакәте теркәлгән, аларда 2 кеше имгәнгән. Юл-транспорт һәлакәтләренең берсе, җәяүлеләр үтүендә җәяүлегә бәрелү, Урыссу бистәсендә. Җәяүле хатын-кыз җәрәхәтләр алган, шуңа күрә ЮХИДИ инспекторларының аерым игътибары машина йөртүчеләрнең РФ Юл хәрәкәте кагыйдәләренең 14.1 пунктын үтәвенә юнәлтелгән.
Рейд барышында 73 транспорт чарасы тикшерелде, 4 юл хәрәкәте кагыйдәләрен бозу очрагы ачыкланды. Җәяүлеләр үтүендә җәяүлегә өстенлек бирмәгән бер шофер ачыкланган, ике шофер куркынычсызлык каешларын куллану кагыйдәләрен санга сукмаган. Законсыз гамәлләрне туктату турында бер таләп бирелгән, чөнки автомобильнең алгы ян пыялаларына үтә күренмәлелекне начарлатучы тышлык ясалган, шулай ук, шофер РФ административ хокук бозулар кодексының 12.5 маддәсенең 3.1 өлеше буенча административ җаваплылыкка тартылган.
Әгәр дә сез машина йөртүченең исерек хәлдә, яисә идарә итү хокукыннан мәхрүм ителгән, яисә ТС белән идарә итү хокукына ия булмаганда, транспорт чарасын йөртүен күрсәгез, бу хакта Ютазы эчке эшләр министрлыгының дежур частена 2-66-02 яки 02 телефоны аша хәбәр итә аласыз.
Ютазы районы ЮХИДИ начальнигы вазыйфаларын башкаручы Илмир Абдуллин