Урыссу йөзүчесе Арман Якупов йөзү буенча Россия Беренчелегендә катнашты
2024 елның 22-26 апрелендә Краснодарда Су спорт төрләре сараенда йөзү буенча Россия беренчелеге узды.
Биш көн дәвамында Россиянең 70 төбәгеннән 1000 артык катнашучы үз-ара җиңү өчен ярышты: беренче разрядтан түбән булмаган 14-15 яшьлек егетләр һәм кызлар (2009-2010 елгы), алар арасында 42 комплект бүләк уйнатылды.
Татарстан Республикасы җыелма командасы составында ярышларда йөзү буенча тренер Зарина Мифтахова белән бергә «Олимп» спорт мәктәбе тәрбияләнүчесе Арман Якупов катнашты.
Катлаулы ярыш барышында Арман җиңү пьедесталына кадәр барып җитә алмый, шулай да, спортчы үзенең шәхси рекордларын һәм нәтиҗәләрен шактый яхшырта һәм тәҗрибә туплый.
Арман үзенең иң яхшы нәтиҗәсен 50 метрлы дистанциядә аркада күрсәтә һәм Россиянең иң көчле 130 егете арасында 50 нче урынны ала.