Акбаш авыл җирлегендә Бөек Җиңүнең 79 еллыгына багышланган митинг узды

2024 елның 7 мае, сишәмбе

Акбаш авыл җирлегендә Бөек Җиңүнең 79 еллыгына багышланган митинг узды.

Чарада авыл җирлеге һәм район җитәкчелеге вәкилләре, депутатлар, ветераннар — сугыш чоры балалары һәм, әлбәттә, мәктәп һәм балалар бакчасы тәрбияләнүчеләре катнашты. Митингта катнашучыларны район башлыгы Аяз Шәфигуллин, Акбаш авыл җирлеге башлыгы Илһамия Сәхибуллина, депутатлар Сәгадәтулла Төхбәтуллин һәм Радик Гайнетдинов котлады.

— Районда Бөек Ватан сугышында катнашучылар бармак белән генә санарлык, - дип билгеләп үтте район башлыгы, - без аларның һәрберсе белән горурланабыз, озын гомер, муллык телибез.

Чарада катнашучыларны мәктәп укучылары үз чыгышлары белән сөендерде. Митинг азагында Бөек Ватан сугышында катнашучылар һәйкәленә чәчәкләр салу белән тәмамланды.