Кәрәкәшле китапханәсендә чара узды
«Татнефть» хәйрия фондының «Рухият китапларын укыйм» мәдәни проекты кысаларында Кәрәкәшле китапханәсендә Рухият программасы кысаларында нәшер ителгән «Бертуган Туйкиннар» китабына күзәтү ясалды.
Чараны «Дуслык» клубы әгъзалары өчен Кәрәкәшле авыл китапханәсе һәм туган якны өйрәнү музее хезмәткәрләре үткәрде.
Укучылар фонд нәшриятының татар халкының һәм Татарстан Республикасы халыкларының тарихына, мәдәниятенә, рухи тормышына багышланган китап продукциясе чыгаруга юнәлдерелгәнлеген белделәр.
С.Ш. Шәрәфиева исемендәге туган якны өйрәнү музее фондларын саклаучысы Гөлнара Хәмидуллина 2014 елда Әлмәт шәһәрендә узган «Кабир һәм Фазыл Туйкиннар: чор, шәхес, чынбарлык» төбәк-ара фәнни-гамәли конференциясе турында истәлекләре белән уртаклашты.
Шулай ук балачагын Кәрәкәшле авылында үткәргән һәм Бәйрәкә авылының Гобәйдия мәдрәсәсендә укыган Фазыл Туйкинның тормышы һәм иҗаты белән таныштырды.
Тулырак: http://yutazy.ru/news/kultura/v-karakaslinskoi-biblioteke-sostoialos-meropriiatie-1715863129