Мәктәпкәчә яшьтәге балалары өчен «Игътибар, балалар!» дип исемләнгән чара узды
Чарага юл хәрәкәте иминлеге ДБУнең Баулы филиалы башлыгы Разида Игнатьева һәм «ТР Ютазы муниципаль районы мәгариф бүлеге»нең мәктәпкәчә белем бирү методисты Валентина Орехова кушылды.
Урыссу бистәсе балалар бакчасында тәрбияләнүчеләр «Игътибар, балалар» акциясендә катнаштылар. Чара барышында балалар машина йөртүчеләргә балаларны машинада йөртү кагыйдәләрен, тоткарлау чараларын урнаштыру һәм куллану буенча күрсәтмәне үтәүнең мөһимлеген искә төшерделәр, шулай ук юл хәрәкәте кагыйдәләрен үтәү кирәклеге турында сөйләделәр. Моннан тыш, баланың киемендә тәүлекнең караңгы вакытында яктылыкны кире кайтаручы элементлар булу кирәклеге, шулай ук юл хәрәкәте кагыйдәләрен үтәү турында киңәшләр бирделәр.
"Хөрмәтле ата-аналар, юлларда куркынычсызлык кагыйдәләрен үтәгез! Онытмагыз, сез балаларыгызның тормышы һәм сәламәтлеге өчен җаваплы. Аларны юлдагы аварияләрдән саклар өчен кулдан килгәннең барысын да эшләгез. Акциядә катнашкан ата-аналарга зур рәхмәтебезне белдерәбез», - дип билгеләп үтте чараны оештыручылар.