Бәйрәкә укучылары елга буенда экскурсиядә булдылар

2024 елның 30 мае, пәнҗешәмбе

Җәйге каникулларның беренче көннәрендә Бәйрәкә мәктәбенең башлангыч сыйныф укучылары өчен экологик экскурсиясе үткәрелде.

Бу белем бирү маршруты табигый шартларда балаларда экологик культура тәрбияләү, аларның әйләнә-тирә мохиткә, тулаем табигатькә тотрыклы кызыксынуын үстерү максатыннан узды.

Экскурсия үткәргәндә, сыйныф җитәкчеләре балаларга табигать турында кайгыртып кына аның матурлыгын күрергә мөмкин икәнен җиткерергә тырышты.

Экскурсия вакытында балалар туган як табигате турында белемнәрен тикшерделәр, күп кенә яңа һәм кызыклы мәгълүмат белделәр, шулай ук табигатьтә үз-үзләрен тоту кагыйдәләрен ныгыттылар.