Урыссудагы 1нче башлангыч мәктәбе “Зур гаилә ял көннәре" акциясендә катнашты

2024 елның 3 июне, дүшәмбе

3б сыйныф укучылары әти-әниләре белән Ык елгасына экскурсиягә чыктылар.

Табигатьтә педагоглар һәм балаларның ата-аналары әйләнә-тирә мохитнең чисталыгын һәм тәртибен саклау турында әңгәмә үткәрделәр, чүп-чарны бергәләп җыештыруны оештырдылар.

Билгеле мәкальдә: «Ял һәм хезмәт янәшәдә бара» дип әйтелә. Тырышып эшләгәннән соң барысы да бик яхшы ял иттеләр, хәрәкәтчән уеннар уйнадылар, әти-әниләр пикник оештырдылар.