Урыссу ТОС активистлары балаларны яклау көне уңаеннан бәйрәм оештырды
Балалар өчен бәйрәмне ике ТОС рәисе - «Движение» һәм «Горьковский» оештырды
Чара Урыссу урамындагы 24 нче йорт ишегалдында узды. Балалар өчен искиткеч бәйрәмне «Движение» ТОС җитәкчесе Татьяна Кукунина «Горьковский» ТОС җитәкчесе Татьяна Брыль белән берлектә оештырды. Бәйрәмне үткәрүдә һәм оештыруда йортлар буенча өлкәннәр Ирина Чеснокова, Резеда Мингалиева, Нина Фомина ярдәм иткән.
Төрле яшьтәге иллегә якын бала, әти-әниләре, әбиләре белән бергә бәйрәмгә килде. Алар өчен күңелле конкурслар һәм хәрәкәтчән уеннар үткәрелде. Конкурсларда өлкән судья булып Урыссу урамындагы йортта актив яшәүче Нина Сергеевна тора.
Балалар да, өлкәннәр дә, рәхәтләнеп асфальтта рәсем ясадылар, уеннар уйнадылар һәм эстафеталар үттеләр. Барлык катнашучылар да бүләкләр алды, ә ярышларда җиңүчеләр истәлекле бүләкләр белән билгеләнде.
Бәйрәм өч сәгатьтән дә ким бармады, барлык катнашучылар да канәгать калдылар һәм бер тамчы да арымадылар! Һәркемгә бик ошады, беркем дә таралырга теләмәде.