Урыссу балалар бакчасында Сабантуй узды
Урыссуның 3нче балалар бакчасында Сабантуй бәйрәме узды.
Безнең күпмилләтле төбәгебезнең бай мәдәнияте үсеп килүче буынны тәрбияләү һәм аң-белем бирү өчен зур мөмкинлекләр бирә. Һәр халыкның үз традицияләре, бәйрәмнәре, уеннары бар. Безнең республикада зур һәм әһәмиятле бәйрәмнәрнең берсе булып Сабантуй санала.
Сабантуй-милли җырлар һәм биюләр, шаян конкурслар һәм спорт ярышлары тынмый торган күңелле бәйрәм.
Бәйрәмдә барлык балалар да катнашты. Балалар милли уеннарда үзләренең җитезлеген һәм осталыкларын күрсәттеләр: чиләкләр белән йөгерү, йомырканы кашыкка салып йөгерү, мендәрләр белән көрәшү, юрта, билбауларда көрәш.
- Безнең тәрбияләнүчеләрдә бу матур милли бәйрәм турында озак вакыт онытылмас тәэсирләр калачак, - дип билгеләп үтте балалар бакчасы мөдире Олеся Нигъмәтуллина.