Аларның гаиләсе - барысы өчен дә үрнәк
2024 ел Россия Федерациясе Президенты Владимир Путин тарафыннан Гаилә елы дип игълан ителде.
Быел Гаилә, мәхәббәт һәм тугрылык көнендә Байлар авылыннан Кәшфетдин Фәтхи улы һәм Фәния Шәит кызы Хөснетдиновлар билгеләп үтелде.
Алар - үрнәк булырлык гаилә.
1969 елның 14 июнендә Урыссу авыл Советында Хөснетдиновларның никахы теркәлә. Кәшфетдин Фәтхи улы 1946 елның 5 августында Татарстан АССРның Баулы районы Әбсәләм авылында туа. Ул 23 ел Урыссу ГРЭСында эшләгән һәм Мактау грамоталары һәм Рәхмәт хатлары белән бүләкләнгән.
Фәния Шәит кызы 1949 елның 13 апрелендә Татарстан АССРның Баулы районы Байлар авылында туа. Пенсиягә чыкканчы ул 15 ел Урыссу ГРЭСында келәтче булып эшләгән. Хәзер ул хезмәт ветераны.
Хөснетдиновларның өч балалары бар: ике кыз һәм бер малай. Бабай белән әби үзләренең өч оныгын бик яраталар.
https://vk.com/wall-173529509_14131
Тулырак: http://yutazy.ru/news/gordost-rayona/ix-semia-primer-dlia-podrazaniia