Хезмәт ветераны Гөлсылу Әхмәдиева 85 яшьлек юбилее белән котлаулар кабул итте
Хезмәт ветераны, Әбсәләм авылында яшәүче Гөлсылу Мөксин кызы Әхмәдиеваны 85 яшьлек юбилее белән авыл җирлеге башлыгы, авылның ветераннар советы рәисе Миңнегөл Мостафина, шулай ук юбилярның туганнары һәм якыннары котлады.
— Ветераннарны кичергәннәре, хезмәтләре өчен хөрмәт итү безнең бурычыбыз. Сез безгә чын тормыш сабаклары бирәсез, моның өчен рәхмәт сезгә! Бездән туган көне белән котлау сүзләрен кабул итегез, ныклы сәламәтлек, бәхет, гаилә иминлеге телибез, — диде җирлек башлыгы Гөлназ Кубашева һәм аңа бүләкләр тапшырды.
Хезмәт ветеранының тормыш юлы җиңелләрдән түгел, әтисе сугышта һәлак булса да, ул беркайчан да оптимизмын югалтмый һәм һәрвакыт намуслы хезмәт итә. Миңнегөл Мостафина билгеләп үткәнчә, Гөлсылу апа — яхшы күңелле кеше, беркайчан да беркемгә дә явызлык теләмәгән. Хәзер дә ул игелекле һәм якты кеше булып кала.
Ире Әүхәди абый белән ике ул үстерделәр, йорт салдылар. Пенсиягә чыкканчы агач эшкәртү комбинатында эшләгән. Әнисен, аннары ирен соңгы юлга лаеклы озатты. Кече улы гаиләсе белән бергә яши. Бүген хөрмәтле ветеран хезмәте белән генә түгел, ныклы, тату гаиләсе белән дә мактана ала.