Җәй сизелмичә үтеп китте
20 августта Балалар иҗат үзәге каршында балалар өчен оештырылган «Дуслык территориясе» җәйге мәйданчыгының соңгы эш көне билгеләп үтелде.
Мәйданчык июньнең беренче көненнән үк эшли башлады. "Дуслык территориясе" балалар өчен зур булмаган дөньяга әверелде.
Бу урында шатлык һәм активлык хөкем сөрде; һәр көн мавыктыргыч вакыйгаларга һәм чараларга бай булды. Мәйданчык эшләү барышында балалар дуслашырга, бер-берсенә хөрмәт күрсәтергә һәм иптәшләрчә мөнәсәбәтләрне бәяләргә өйрәнделәр.
Оештырылган чаралар ял итүнең төрле төрләрен үз эченә алды: конкурслар, фикер алышулар, викториналар, спорт уеннары, мастер-класслар, эстафеталар, флеш-моблар һәм иҗади биремнәр.
Бу юлы балалар "Чүлмәк вату", "Аркан тарту", "Капчык белән йөгерү", "Ат чабышы", "Туп белән йөгерү" һәм "Таяк тарту"кебек традицион татар уеннарыннан ләззәт алдылар.
Бәйрәм азагында балалар "Заманча балалар" биюен башкардылар һәм татлы бүләкләр алдылар.
"Дуслык территориясе" сезнең белән киләсе сезонга кадәр хушлаша.
"Балалар иҗаты үзәге" МБУ методисты Вәлиева Г. И.
Тулырак: http://yutazy.ru/news/obrazovanie/leto-proslo-nezametno