Машина белән сыер саву операторларының 51 нче республика конкурсы тәмамланды
Машина белән сыер саву операторларының 51 нче республика конкурсы тәмамланды, анда Татарстанның 43 районыннан һөнәр буенча иң яхшы 86 сыер савучы көч сынашты.
Бу чара профессионалларны гына түгел, кунакларны, тармак белгечләрен дә бергә җыйды. Конкурс агросәнәгать комплексы вәкилләре өчен чын бәйрәмгә, шулай ук тәҗрибә һәм идеяләр алмашу өчен мөһим мәйданчыкка әверелде.
Ярышлар теоретик биремнәр һәм сыер савучылар вазыйфаларын башкару өчен кирәкле практик күнекмәләрне үз эченә алган берничә этапта узды. Катнашучылар заманча җиһазлар белән эш итү осталыгын гына түгел, зоотехника һәм ветеринария өлкәсендә дә тирән белемнәрен күрсәттеләр. Сөтнең сыйфатын тәэмин итү һәм санитария нормаларын үтәү аспектларына аерым игътибар бирелде.
Иң яхшы сыер савучы дип Питрәч районыннан («Шәле-Агро» ҖЧҖ) Алинә Хәйруллина танылды, ул югары дәрәҗәдә профессиональлек күрсәтте. Ә мактаулы 1 нче урынны Ютазы районы вәкиле «Вафауллин» КФХыннан Зөлфирә Газиева яулады. Ул шулай ук тиңдәшсез нәтиҗәләр күрсәтте һәм барлык биремнәрне оператив рәвештә үтәде. Җиңүчеләрне бүләкләү тантаналы шартларда «Дубравушка» лагеренда узды, анда Ютазы районы башлыгы Аяз Шәфигуллин һәм Татарстан Республикасы Авыл хуҗалыгы министры урынбасары Гөлүс Баязитовтан дипломнар, кыйммәтле бүләкләр һәм сәламләү сүзләре тапшырылды. Конкурс Татарстанның авыл хуҗалыгының иң яхшы традицияләрен бәяли һәм үстерә торган төбәк статусын ышанычлы рәвештә ныгыта.
Тулырак репортажны «Ютазы таңы» газетасының киләсе санында укыгыз.