Гимназиядә "Без нәфрәт һәм ксенофобиягә каршы" дигән бердәм класс сәгатьләре узды
Чаралар барышында укучылар «ксенофобия», «милләтчелек» һәм «террорчылык» төшенчәләренә аңлатма алдылар.
Балалар ата һәм уллары турындагы гыйбрәтле хикәя тыңладылар, аның төп фикере - бергәләп куркынычлардан качып, уңышка ирешергә мөмкин.
Россия үзенең бөтен тарихы дәвамында төрле милләт һәм дин кешеләре яшәгән ил булды. Конфликтларда ул үзенең бөтен халкын милләтләренә бүлеп карамыйча күтәрә алуы аркасында җиңде.
Моннан тыш, балалар террорчылык акты турында ялган хәбәр өчен җаваплылык турында белделәр. Педагоглар укучылар белән социаль челтәрләрдә таныш булмаган кешеләр белән аралашканда барлыкка килә торган вәзгыять турында фикер алыштылар, алар төрле сылтаулар белән балигъ булмаганнарны законсыз эшчәнлеккә җәлеп итәргә тырышалар.
Класс сәгате азагында социаль видеороликлар күрсәтелде, ә фикер алышу темасына үз мөнәсәбәтләрен балалар рәсемнәрдә, плакатларда белдерделәр.