2 нче санлы мәктәп натуралистлары яшь табигатьне өйрәнүчеләр слетында актив катнаштылар
Укучылар «Яшь натуралист көндәлеге», «Туган як экологиясе» һәм «Иң яхшы тикшеренү эше» кебек конкурсларда катнаштылар, шулай ук юннатлар отрядының узган елгы эшчәнлеге турында хисап бирделәр.
Конкурс нәтиҗәләре буенча "ЭКО буын" отряды "Иң яхшы юннатлар отряды" категориясендә бүләкләнде.
Вахитова Диана "Иң яхшы тикшеренү эше" номинациясендә лауреат булды.
Шәмсуллина Дилә һәм Багауова Гүзәл "Туган як экологиясе" конкурсында билгеләп үтелделәр.
Вахитова Диана шулай ук "Натуралист көндәлеге" конкурсында лауреат булды, ә география укытучысы Гыйльфанова Л.А. "Тыюлык сукмаклары" категориясендә җиңү яулады.
Слетка баруны оештыруда ярдәм иткән өчен ата-аналарга һәм мәктәп администрациясенә рәхмәт. Сезнең ярдәмегез белән балалар тәэсирләр, хис-кичерешләр, яңа танышулар һәм, әлбәттә, белем белән тулы шундый әһәмиятле чарада катнаша алдылар.