Ютазы районында «Конан Дойль серләре» әдәби детективы узачак
Бөек язучы һәм танылган детектив Шерлок Холмсның тууына 165 ел тулуга багышланган чара Үзәк китапханәдә узачак. Аны «Пушкин картасы» милли проекты кысаларында карарга була, дип хәбәр иттеләр Ютазы үзәкләштерелгән китапханә системасында.
Чара "Мәдәният" милли проектының максатларына һәм бурычларына туры килә.
"07 ноябрьдә «Конан Дойль серләре" әдәби детективы узачак. Чарада катнашучылар әсәр герое оста итеп ачкан табышмаклар, серләр һәм интригалар дөньясына чумачак. Кунакларны мавыктыргыч тикшерүләр көтә, алар төп гамәлдәге персонаж ролендә булачак. Бу әдәби детектив әсәрләрне уку һәм аларны тикшерү өчен илһам булачак, шулай ук танылган язучының иҗатына яңача карарга мөмкинлек бирәчәк», - диелә хәбәрдә.
"Пушкин картасы" - Россия территориясендә яшәүче 14 яшьтән 22 яшькә кадәрге кешеләрне мәдәни агарту программасы. Махсус банк картасы белән мәдәни чараларга билетлар сатып алганда гына түләргә мөмкин. 2024 елда картаның номиналы - 5 000 сум. Шулардан 2000 сумга кадәр программага кертелгән фильмнарга кинога билетлар тотарга мөмкин. Картаны дәүләт хезмәтләре порталында шәхси кабинетта рәсмиләштерергә мөмкин. Милли проект РФ Президенты Владимир Путин карары буенча 2021 елның августыннан гамәлгә ашырыла.