Әлмәт шәһәренең "Кояшлы" ял базасында "Каракуз" иҗат мәктәбе узды
Урыссу балалар сәнгать мәктәбе укучылары – укытучысы Җәләева Оксана Рамильевна белән Маргарита Глухова һәм укытучысы Батршина Әлфия Аслямовна белән Галиева Айзана катнашты.
«Татнефть» хәйрия фонды оештырган әлеге мәктәпкә кызлар «Сандугач сайрар иле» конкурсында «Халык вокалы» номинациясендә җиңүләре нәтиҗәсендә эләгә алдылар.
Мәскәү һәм Казанның әйдәп баручы осталары «Яңа исемнәр» хәйрия фонды укытучылары «Халык вокалы», «Труба», «Балалайка», «Скрипка» белгечлекләре буенча индивидуаль дәресләр (мастер-класслар) үткәрделәр.
Иҗат мәктәбе кураторлары балалар һәм педагоглар өчен күңел ачу квест-программалары, интеллектуаль уеннар, эстафеталар оештырдылар.
Һәр кич мастер-класслар укытучылары белән иҗади очрашулар узды, балалар атаклы остазларына рәхәтләнеп сораулар бирделәр һәм аларның уен коралларында виртуоз уйнауларын тыңладылар.
«Халык җыры» белгечлеге буенча мастер-класс укытучысы, МГИКның ялгыз җырлау кафедрасы доценты Филиппова Светлана Геннадьевна белән йомгаклау очрашуында чын концерт булды. Үзләренең вокаль осталыклары белән, Светлана Геннадьевна белән беррәттән, укырга чакырылган барлык яшь вокалистлар да уртаклашты.
Балалар саф һавада искиткеч лагерьда үткәрделәр, анда алар ял да итә алдылар, киләчәктә иҗади үсеш өчен нәтиҗәле эшләделәр.
Хисап концертында катнашучыларның барысы да таныклык алды, ә иң яхшылары, мастер-класслар укытучылары карары буенча, катнашучылар һәм аларның педагоглары Суздаль шәһәрендәге "Яңа исемнәр" Халыкара җәйге иҗат мәктәбенә укырга сертификатлар алды.
Бәхетле билетны безнең талантлы Маргарита Глухова алды!!!