Татарстанда Коксаки вирусы мәсьәләләре буенча кайнар линия ачылды
Чит илдән кайткач, йогышлы авыру билгеләрен күргән очракта, республика халкын кайнар линиягә мөрәҗәгать итәргә чакыралар.
«Мәгълүматлар соңгы айдагы вәзгыятькә тиз җавап бирү һәм анализ ясау өчен җыела», – дип күрсәтелгән хәбәрдә.
Кайнар линиягә шалтыратканда түбәндәге белешмәләрне тапшырырга кирәк:
чит илдә булу вакыты;
ял итү урыны;
кунакханә исеме;
илгә кайту (яисә планлаштырылган кайту) датасы;
кайту вакытына сәламәтлек (әгәр инде кайткан булсалар);
хәле начараю датасы;
күренүче симптомнар;
ял иткәндә яисә кайткач медицина ярдәме сорап мөрәҗәгать итү;
туроператор һәм иминият компаниясе исеме;
контакт мәгълүматлары.
Роспотребнадзорның ТР буенча идарәсенең кайнар линиясенә эш көннәрендә 09:00 дән 18:00 гә кадәр (843) 238 96 84 номеры буенча шалтыратырга мөмкин. Шулай ук Роспотребнадзорның бердәм консультация үзәгенең бушлай номеры буенча консультация алырга мөмкин 8 800 555 49 43.