Урыссу ГРЭСына 80 ел тула!
Бөек Ватан сугышының авыр чорларында Урыссу ГРЭСын төзүчеләр алдында объектны тиз арада төзеп, файдалануга тапшыру бурычы тора иде.
Һәм алар бу миссияне бик шәп башкарып чыктылар, чын батырлык эшләделәр.
Станция төзелеше 1942 елда башлана. Җиһазлар Украинадан фронт якынлашу сәбәпле эвакуацияләнгән. Монтажны тизләтү өчен 5 МВт куәтле «Томсон» энергопоезды файдаланылган. 1944 елның ноябренә станция Татарстанда нефть чыгаруга ярдәм итү өчен эшли башлый. Соңрак аның базасында Урыссу бистәсенең сәнәгать предприятиеләре барлыкка килә.
Бу истәлекле көнне станция ветераннары һәм хезмәткәрләре, шулай ук Урыссу ГРЭСының элеккеге директоры Владимир Иванович Петров Ютазы тарих-туган якны өйрәнү музее бинасына җыелдылар. Алар истәлекләре белән уртаклаштылар, фотосурәтләр һәм экспонатлар өйрәнделәр, шулай ук күргәзмәләрдә булдылар.
Музей директоры Гөлнара Шатовна Шәмсуллина башкарылган эшләр һәм алда торган чаралар турында сөйләде. Ул ветераннар советына һәм район хакимиятенә ярдәмнәре өчен рәхмәт белдерде. Владимир Иванович Казан ТЭЦ-1 төзелешендә катнашкан Урыссу ГРЭСы белгечләренең югары дәрәҗәдә булуын искәртте, шуның аркасында Урыссуны Татарстанның Энергосистема үзәге дип санарга кирәк.
Тулырак: http://yutazy.ru/news/video/urussinskoi-gres-ispolniaetsia-80-let