Район волонтерлары, берләшегез!
«Атлант» яшүсмерләр-яшьләр клубында район яшьләре арасында волонтерлык хәрәкәтен активлаштыруга багышланган укыту чарасы узды.
Күчмә интенсив-семинарга Татарстан Республикасы иреклелек мәгълүмати-ресурс үзәгенең махсус проектлар секторы белгече Камилә Куликова килде. Балалар белән аралашу алдыннан «Атлант» ПМК директоры Анастасия Фалько укучыларга волонтерлык хәрәкәтендә катнашуның мөһимлеген тагын бер кат искәртте. Дөресен әйткәндә, балалар теге яки бу игелекле эшләрне бушлай башкарып, инде волонтерлар булып торалар. Алар өчен үз эшләрен "теркәү" мөһим.
- Сезгә илдәге иң зур электрон мәйданчык DOBRO.RU порталында теркәлергә кирәк, - дип билгеләде Фалько. Платформада ни өчен теркәлергә кирәк? Төп сәбәп - волонтерның шәхси электрон китабы. Бу электрон портфолио, анда сезнең ирекле эшчәнлегегез турында мәгълүмат тупланачак. Сез нинди проектларда катнаштыгыз, нинди курслар уздыгыз, игелекле эшләргә ничә сәгать сарыф иттегез. Электрон волонтерлык кенәгәсе баллар тупларга мөмкинлек бирә. Алар ни өчен кирәк, сез бик яхшы хәбәрдар. Беләсезме, районда күптән түгел «Добро.Центр» ачылды. Әлеге үзәк базасында «Молодая гвардия», «Форпост», «по зову сердца», «Серебряные волонтеры», «Движение Первых» һәм башкалар эшли. «Добро.Центр» ни өчен ачылды? Барлык волонтерларны бер мәйданчыкта берләштерү өчен. Без аралаша, проектлар турында фикер алыша һәм аларда катнаша алсын өчен, башкаларга үсәргә ярдәм итсен өчен. Гомумән билгеле, иреклелекнең яше юк, шуңа күрә волонтерлык хәрәкәтенә өлкән буын вәкилләре дә кушылырга мөмкин. Үзәктә рәсми очрашулар һәм рәсми булмаган чаралар уза, аларга волонтерлар килә алачак. «Добро.Центр» халыкка уникаль сервислар күрсәтә: чаралар үткәрү өчен урыннар бирә, авыр тормыш хәлендә калган кешеләргә ярдәм оештыра, беренче ярдәм күрсәтүгә өйрәтүне оештыра һәм башкалар.
"Хәйрия эшчәнлеге һәм иреклелек (волонтерлык) турында"гы закон үз көченә кергәннән бирле ирекле ярдәмчеләр хәрәкәте рәсми рәвештә танылды, билгеле бер статус һәм кайбер ташламалар алды. Алар арасында югары уку йортына кергәндә өстәмә баллар да бар. Һәр университет ташламаның күләмен һәм аны гамәлгә ашыру ысулын мөстәкыйль билгеләргә хокуклы. Моннан тыш, халыкара югары уку йортларында шулай ук Россия абитуриентларының иҗтимагый активлыгы игътибарга алына. Гомумән алганда, бүгенге чынбарлык шундый: эш бирүчеләр кешене эшкә алганда аның социаль активлыгына да игътибар итәләр. Татарстанда, гомумән Россиядә үзләрен иҗтимагый-файдалы тормышта күрсәтергә теләүче яшьләрнең инициативалылыгы һәрьяклап хуплана. Бу фикер Камилә Куликова чыгышының лейтмотивы булып яңгырады.
Ягъни иреклелек бүген абруйлы, Волонтер булу мактаулы. Район волонтерлары-олысы да, кечесе дә, берләшегез! Бер-беребезгә ярдәм итеп, без яхшырак булабыз.
Роза Искәндәр
Тулырак: http://yutazy.ru/news/molodez/molodo-ne-zeleno-1732099690