Башкортстан һәм Татарстан чигендә, Урыссу бистәсе районында урнашкан иске күпер бүтән юк
Ык елгасы аша яңа күпер төзү буенча әзерлек эшләре алып барыла.
Дәүләт сатып алулары сайты мәгълүматлары буенча, аның смета бәясе 975 миллион сум тәшкил итә.
«СБТ‐Строй»ның Уфа филиалы белгечләре 75 ел хезмәт иткән иске корылманың металл конструкцияләрен демонтажлауны төгәлләделәр. Металл элементлар тулаем канәгатьләнерлек хәлдә, шул ук вакытта бетон конструкцияләр шактый җимерелгән.
Эш берничә юнәлештә алып барыла: бер эшчеләр калган бетон терәкләрне сүтәләр, икенчеләре яңаларын ясыйлар. Ял көннәрендә Яңа конструкциягә беренче бетон салынды.
Мәйданчыкта 50гә якын кеше эшли һәм 10 берәмлеккә кадәр техника кулланыла. Участок башлыгы Алексей Зимин билгеләп үткәнчә, һава торышы начараю белән төзелеш шартлары җиңеләячәк. Төзелеш шәһәрчегенә вакытлы күпер конструкцияләре китерелгән инде, аларны төзүчеләрнең хәрәкәтен тәэмин итү өчен якын көннәрдә урнаштыра башлаячаклар. Яңа корылма 2026 елда төзелеп бетәр дип көтелә. Яңа күпер ике полосалы һәм тротуарлы булачак.
Фото: https:/ / vk. com/wall-43935898_90295